“హాయ్.. ఆర్ యూ హర్ధిక్?”
“అవును. మీరు మల్హోత్రా నా?”
“మీ ఫాదర్ మీకు చెప్పారా?”
“హ్మ్మ్.. ఏదో ఇస్తారు అన్నారు. అంతే”
“హా అవును. హియర్ ఇట్ ఈజ్” అంటూనే ఒక బ్రీఫ్ కేస్ అతని చేతికి ఇచ్చాడు.
“అన్నట్టు చెప్పడం మర్చిపోయాను. మీ ఫాదర్ దీని గురించి మీకు అన్ని విషయాలూ చెప్తారు. మీకు ఇక్కడ అన్నీ చెప్పలేను. ఒక్కసారి మీ మెయిల్ చెక్ చేసుకోండి. బాక్స్ లో ఉన్న ట్రిగ్గర్ మాత్రం చాలా ఇంపార్టెంట్. అది నా సంవత్సరాల కష్టం” అని నిట్టూరుస్తూ వెళ్లిపోయాడు.
“ఆగండి సర్.. మీరు చెప్పింది నాకు అర్ధం కాలేదు. సరే ఇప్పుడు రెస్ట్ తీసుకుని రేపొద్దున్నే వెళ్ళండి” అంటూ మల్హోత్రా వెనకాల పడ్డాడు హర్ధిక్.
“లేదు నేను వెళ్ళాలి హర్ధిక్. వీలు చూసుకుని నిన్ను మళ్ళీ కలుస్తాను. నీ నెంబర్ నా దగ్గర ఉంది. నేను కాల్ చేస్తాను” అంటూ అక్కడి నుండి వేగంగా వెళ్లిపోయాడు మల్హోత్రా. మరి హర్ధిక్ కూడా అతన్ని వారించే ప్రయత్నం చేయలేదు. మనిషిని చూస్తే చాలా కంగారుగా ఉన్నాడు.
అదేంటో తెలుసుకోవాలని పెట్టె ఓపెన్ చేద్దాం అనుకున్నాడు. కానీ ఇక్కడ కాదని దానిని కారులో పెట్టుకుని రూం కి బయలుదేరాడు.
మల్హోత్రా ఢిల్లీ వెళ్ళే ఫ్లైట్ ఎక్కాడు. ఫ్లైట్ టేక్ ఆఫ్ కి సిద్ధంగా ఉంది. తన సీట్ లో వెనక్కి వాలి కళ్ళు మూసుకున్నాడు.
అతని కళ్ళ ముందు జరిగిన సంఘటనలు గిర్రున తిరిగాయి.
అసలేం జరిగింది. మల్హోత్రా ఏంటి? ఎందుకు ఇలా ఇక్కడ ఉన్నాడు?
అసలు ఇక్కడికి ఎందుకు వచ్చాడు.
మల్హోత్రాకి, హర్ధిక్ తండ్రికి సంభందం ఏంటి?
హర్ధిక్ కి ఇచ్చిన బాక్స్ లో ఏమున్నాయి?
అసలు తర్వాత ఏం జరగబోతుంది?
ఇంత జరుగుతున్నా రిచర్డ్స్ ఎందుకు మౌనంగా ఉన్నాడు?