మహారాణి : బుజ్జాయిలూ …… మీ నాన్నకు ఆకలివేస్తోందేమో ఈ పళ్ళు తినిపించండి , మహారాజు గారూ …… సైనికులకు మన మిత్రులకు కూడా తెచ్చాము మీసంగతి మాకు తెలియదా …….
ధన్యవాదాలు మహారాణీ గారూ అంటూ బుజ్జాయిలను బండపై కూర్చోబెట్టి పండు అందుకుని బుజ్జాయిలకు తినిపించి తిన్నాను .
అలా కొరకడం ఆలస్యం బుజ్జితల్లి ….. నాచేతిలోని పండును లాక్కుని అమ్మా అంటూ పరుగునవెళ్లి అందించింది .
మహారాణి : నా బంగారం అంటూ వారించేలోపు నేను కొరికిన చోటనే కొరికి చాలా చాలా తియ్యగా ఉంది ఇప్పుడు తీసుకోండి మహారాజా …….
వద్దు …….
బుజ్జాయిలు : మా నాన్న – అమ్మ కొరికినది మాకు కావాలి అంటూ తిన్నారు .
అంతలో ప్రజలు …… ఆహారం తీసుకురావడంతో అమ్మవారి సమక్షంలో కలిసి తిన్నాము .
చెల్లెళ్ళూ ….. ఎప్పుడు పడుకున్నారో ఏమో రాజభవనానికి వెళ్లి హాయిగా విశ్రాంతి తీసుకోండి .
చెల్లెళ్ళు : మా అన్నయ్య – బుజ్జాయిలు మరియు మరియు …….
ష్ ష్ ష్ …… చెల్లెళ్ళూ అంటూ మహారాణీ గారు ఆపడానికి ప్రయత్నిస్తున్నారు .
చెల్లెళ్ళు : నవ్వుకున్నారు , మీరు రోజూ విశ్రాంతి తీసుకునేది ఇక్కడే అని తెలిసింది కాబట్టి మేముకూడా ఇక్కడే …….
ఇక్కడా ….. ? , వద్దు చెల్లెళ్ళూ ….. చాలా ఇబ్బంది – చలికూడా ఎక్కువ , మీలో సుకుమారంగా పెరిగిన వాళ్ళు – యువరాణులు ఉన్నారు , ఇక్కడ ఉన్నంతసేపూ మీకు ఏలోటూ లేకుండా చూసుకుని మిమ్మల్ని జాగ్రత్తగా మీవాళ్ళ దగ్గరికి చేర్చడం మా బాధ్యత , తెల్లవారగానే కలుద్దాము , చెల్లెమ్మా – రాణులూ – మహారాణీ గారు …….. పిలుచుకుని వెళ్ళండి , ఈ అన్నయ్య అంటే ఇష్టమే కదా వెళ్ళండి వెళ్లి హాయిగా విశ్రాంతి తీసుకోండి అని ఒప్పించి అందరినీ పంపించి ఈరాత్రికైనా వర్షం పడాలని ప్రార్థించి గుడిసెలోకి చేరాను .
బుజ్జాయిలు ముద్దులుపెట్టి పాన్పును ఏర్పాటుచేశారు .
నా బంగారు బుజ్జాయిలు అంటూ గుండెలపై పడుకోబెట్టుకుని జోకొడుతున్నాను .
బుజ్జితల్లి : నాన్నా ….. మన దేవకన్య గురించి చెప్పండి .
ఈపాటికి వందసార్లకు పైనే విన్నారుకదా ……
బుజ్జినాన్న : ఎన్నిసార్లు విన్నా మళ్లీ వినాలనిపిస్తుంది .
బుజ్జితల్లి : మొదటనుండీ చెప్పండి నాన్నా …… అంటూ ముద్దుపెట్టింది , మీకు విసుగు వస్తోందా నాన్నా …….
నా ….. మన దేవకన్య గురించి వందసార్లు కాదు వెయ్యి సార్లైనా సంతోషంగా చెబుతాను బుజ్జాయిలూ ……. , ఈరోజు మాత్రం చెబుతూ చెబుతూ నిద్రపోయేదేలేదు , ప్రతీరోజూ ఉదయానికల్లా ఒంటిపై నూలుపోగు ఉండటం లేదు , ఈరాత్రికి ఎలాగైనా కనిపెట్టాలి .
బుజ్జాయిలు : ( మీవాళ్ళ కాదులే ) అన్నట్లు నవ్వుకుంటున్నారు – ముద్దులుపెడుతున్నారు .
నా దేవకన్యను తొలిసారి కలిసిన క్షణం నుండీ ఎంతో ఉత్సాహంగా హుషారుగా చెబుతూ చెబుతూనే అంతులేని ఆనందాన్ని పొందుతూ నాకే తెలియకుండా నిద్రలోకిజారుకున్నాను .
( బుజ్జాయిలు : కనిపెడతారన్నారు కదా నాన్నగారూ అంటూ చిన్నగా నవ్వుకుని ముద్దులుకురిపించి అమ్మా అమ్మా అంటూ పిలిచారు ) .
*****************
యధావిధిగా బుజ్జాయిల ముద్దులు మేల్కొని ఒంటిపై పూలు కప్పి ఉండటం చూసుకుని ప్చ్ ప్చ్ అంటూ వస్త్రాలు ధరించి , బుజ్జాయిలను ఎత్తుకుని చిన్నపాటి జలపాతం కిందకుచేరి స్నానమాచరించి సూర్యవందనం చేసుకున్నాను – నిద్రలో ఏమో జరుగుతోంది ఇబ్బందిగా అయితే అనిపించదు పైగా హాయిగా ఉంటుంది ఏమిటో తెలుసుకోలేకపోతున్నాను వెంటనే నిద్రపట్టేస్తోంది .
బుజ్జాయిల ముసిముసినవ్వులు వినిపించి చూస్తే నిశ్శబ్దం ……..
అంతలో మహారాజా మహారాజా …… మిమ్మల్ని కలవడం కోసం దూరప్రాంతాలనుండి ముగ్గురు రాజులు వచ్చారు – అర్ధ రాత్రే వచ్చారు ప్రభూ – అతిథి మందిరాలలో విశ్రాంతి తీసుకున్నారు – మీకోసం ఎదురుచూస్తున్నారు .
అయితే వస్తున్నాము .
అవసరంలేదు మహారాజా ….. , మీలాంటి వీరాధివీరులను రప్పించడం భావ్యం కాదు అందుకే మేమే స్వయంగావచ్చాము అంటూ తండ్రి వయసున్న ముగ్గురు రాజులు గుర్రాలపై వచ్చారు వెనుకే పెద్ద సంఖ్యలో సైనికులు …….
నావెనుకే మహారాజా – బుజ్జాయిలూ అంటూ రాణులు తోడుగా మహారాణీ – చెల్లెమ్మ వచ్చారు .
ముగ్గురు రాణులూ నావెనుకకు చేరి బుజ్జాయిలను ఎత్తుకుని ముద్దుచేస్తూనే నావైపుకు ఆరాధనతో చూస్తున్నారు – రాజులవైపూ చూస్తున్నారు .
మహారాజులకు స్వాగతం – మీ రాకకు కారణం …….
రాజులు : సంతోషం వీరాధివీరా …… , ఏ రాజ్యానికి వెళ్లినా మీ వీరత్వం గురించే మాట్లాడుకుంటున్నారు , మా రాజ్యాలు అంటూ మూడు పేర్లు చెప్పి రాణులవైపు ఆశతో చూస్తున్నారు .
వెనకున్న రాణులవైపుకు చూస్తే మహారాణీ – చెల్లెమ్మలను వదలనంతగా హత్తుకుని ఊహూ అంటున్నారు .
వీరాధివీరా …… మీ రాణులు మా ముగ్గురి బిడ్డలు , మీరు అనుమతిస్తే వారిని మా రాజ్యాలకు తీసుకువెళ్లాడానికి వచ్చాము – మీరు పంపిన వర్తమానం నిన్న సాయంత్రానికి రాగానే ఎంతో ఆశతో బయలుదేరాము – మా బిడ్డలను రాక్షసుడైన ఆ మూర్ఖుడు బలవంతంగా తీసుకొచ్చాడు .
సంతోషంగా మహారాజులూ …… , వారు మీ బిడ్డలు మీఇష్టం , తల్లిదండ్రులను చేరడం కంటే మరొక సంతోషం ఏమిటి అంటూ సంతోషంతో రాణులవైపు చూస్తే ఊహూ ఊహూ ….. అంటూ సైగలుచేస్తున్నారు .
రాణులూ …… వెళ్లడం ఇష్టం లేదా ? , మీ తండ్రులంటే ఇష్టం లేదా ? .
రాణులు : చాలా చాలా ఇష్టం …… , అంతకుమించి మీరు …… బుజ్జాయిలు అక్కయ్య చెల్లి అంటే ప్రాణం , మాకు వెళ్లాలని లేదు , మేమిక్కడ సంతోషంగా ఉన్నాము .
రాజులు : సంతోషం తల్లులూ …… , కానీ అక్కడ మీకోసం మీ తల్లులు మంచం పట్టారు , మిమ్మల్ని చూడాలని మిమ్మల్నే తలుచుకుంటున్నారు , మీకిష్టం లేకపోయినా మీఅమ్మల కోసమైనా ఒకసారి రండి , మీ ఇష్టం మీరు ఉండాలంటే ఉండండి లేకపోతే ఇక్కడికే వచ్చెయ్యండి .
చక్కగా చెప్పారు …… , మీఇష్టం అన్నారుకదా వెళ్ళిరండి రాణులూ …….
రాణులు : అమ్మలకోసం – మా ప్రాణమైన మహారాజు కోరుతున్నారు కాబట్టి వెళతాము కానీ మాకు మాట ఇస్తేనే …….
ఏమిటి ? .
రాణులు : ఇక్కడకు రావడం మాకు ఇష్టం ఇక్కడే మా జీవితం – ఎట్టి పరిస్థితులలో మమ్మల్ని ఇక్కడికి తీసుకొస్తానని మాటిస్తే సంతోషంగా వెళతాము .
మీ తండ్రులు …….
రాణులు : మా తండ్రులు కాదు మా మహారాజు మీరు ….. మీరు మాటిస్తేనే వెళతాము .
అమ్మవారి సమక్షంలో మాటిస్తున్నాను – మీకు ఇష్టమైతే మీఇష్టప్రకారం మిమ్మల్ని ఇక్కడకు తీసుకొస్తాను .
రాజులు : చాలా చాలా సంతోషం వీరాధివీరా …… , అక్కడ వీళ్ళ తల్లులు కంగారుపడుతుంటారు వెంటనే బయలుదేరాలి …….
మీఇష్టం …… , మంత్రిగారూ …… వజ్రవైఢూర్యాలు – మణి మాణిక్యాలను రాసులుగా కానుకలతో అంగరంగవైభవంతో ఏర్పాట్లు చెయ్యండి .
మంత్రి : అలాగే ప్రభూ అంటూ వెళ్ళాడు .
కొద్దిసేపు ఉద్విగ్న వాతావరణం నెలకొంది .
మహారాణీ గారు : బిడ్డలు దూరమైతే తల్లులు – తల్లులకు దూరంగా బిడ్డల బాధ నాకు తెలుసు , సంతోషంగా వెళ్ళిరండి , అన్నీ సర్దుకున్నాక వచ్చెయ్యండి అంటూ ప్రాణంలా కౌగిలించుకొన్నారు .
బుజ్జాయిలను తమ గుండెలపైనుండి వదలడం లేదు రాణులు …….
అన్నీ ఏర్పాట్లు పూర్తవ్వడంతో రాజ్యం చివరవరకూ తోడుగా వెళ్లి మూడు దారులలో ఒక్కొక్కరూ వెళ్లడం చూసి నాకూ కొద్దిగా బాధవేసింది .
ఇక కష్ట సమయాలలో ఒకరికొకరు తోడుగా ఉన్నట్లు చెల్లెమ్మ – మహారాణీ గారి కన్నీళ్లు ఆగడంలేదు – బుజ్జాయిలు అయితే పిన్నమ్మా పిన్నమ్మా పిన్నమ్మా అంటూ ఏడుస్తూనే ఉన్నారు .
మళ్లీ వస్తారని నచ్చచెబుతూ ఆనకట్ట దగ్గరకు చేరుకుని తరువాతి కొన్నిరోజులపాటు వర్షం కోసం చెయ్యవలసిన ప్రయత్నాలన్నీ చేస్తున్నా ప్రయోజనం లేకపోయింది .
మరికొద్దిరోజులపాటు వర్షం కురావకపోతే దాదాపు రాజ్యంలోని ఆహారనిల్వలు ఖాళీ అయిపోతాయని మంత్రిగారు వ్యక్తపరిచారు .
ఎమ్మెచెయ్యలేకపోతున్నానన్న నా నిస్సహాయస్థితిని చూడలేకపోయింది మహి ….. , అమ్మవారి చెంతకువెళ్లి అమ్మా నదీతల్లీ …… ప్రజలంతా నా ప్రాణనాథుడి మీదనే ఆధారపడి ఉన్నారు , అనుగ్రహించండి అంటూ నిద్రాహారాలు మాని ప్రార్థించింది – రెండుమూడురోజులు కావడంతో అమ్మవారి పాదాలముందే స్పృహకోల్పోయింది .
( తల్లీ మహీ …… మిమ్మల్ని ఇబ్బందిపెట్టాలని కాదు – మీఇద్దరి కలయికే ఏకైక మార్గం .
దుర్గమ్మ అనుగ్రహించినట్లు కళ్ళుతెరిచి భక్తితో మొక్కుకుంది – ఇప్పుడే ఇప్పుడే వెళ్లి నాదేవుడు గుండెలపైకి చేరతాను అమ్మా …….
అప్పుడే కాదు మహి తల్లీ …… , ఒక చిలిపితనంలా జరగాలి , నీ ప్రాణ నాథుడిని ఆటపట్టిస్తూ నువ్వే కదా ఆలస్యం చేసినది , మీ చిలిపి ప్రేమను ఎంతలా ఆనందించానో మాటల్లో వర్ణించలేను , చివరగా మరింత రంజుగా ఉండాలి అంటూ వివరించారు .
మహి : అమ్మా …… మీరేనా కోరిక కోరుతున్నది అంటూ ఆశ్చర్యపోతోంది .
మేము మాత్రమే మీ కోరికలు తీర్చాలా …… నా సంతోషం కోసం తప్పదు , చిలిపి పసందైన శుభకార్యం జరగాల్సిందే అటుపై రాత్రికి ……. నీకు చెప్పాల్సిన అవసరం లేదులే ……
పో అమ్మా అంటూ సిగ్గులోలికిపోతోంది మహి ……
అలాగే మీతోపాటు యువరాణీ వివాహం కూడా …..
మహి ఆనందాలకు అవధులులేకుండాపోయింది – ఆనందబాస్పాలతో మొక్కుకుంది .
ఎంత త్వరగా శుభకార్యాలు జరిగితే మీ రాజ్యానికి అంత మంచిది ఎందుకంటే రాజ్యంలో చాలా ఉన్నాయి , అలా అని ఆహారానికి ఎప్పటిలానే ఇబ్బందిపెట్టనులే …….
మహి : అంటే ఎప్పుడో ఖాళీ అవ్వాల్సిన ఆహారనిల్వలు …… మీవల్లనే అన్నమాట ధన్యులం అమ్మా అంటూ కన్నీళ్లను తుడుచుకుని పాదాభివందనం చేసుకుని పరుగున ఈవిషయమై బాధపడుతున్న చెల్లెమ్మ దగ్గరికి వెళ్ళింది ) .
మహి : చెల్లీ చెల్లీ …….
చెల్లెమ్మ : వదినా వదినమ్మా …… అంటూ కౌగిలించుకుంది .
మహి : చెల్లీ చెల్లీ ……
చెల్లెమ్మ : మూడురోజులయ్యింది మీరు తిని ముందైతే తినండి అంతో ప్రాణంలా తినిపించసాగింది .
మహి : సంతోషంగా తింటాను చెల్లీ ….. అంటూ తినిపించింది , చెల్లీ ….. శుభవార్త , రాబోవు శుభాధినాన మీ వివాహం ……
చెల్లెమ్మ : వదినమ్మా ….. అంటూ సిగ్గుపడుతూ కౌగిలిలోకి చేరింది , నాతోపాటు నా వదినమ్మ వివాహం కూడా జరిగితేనే నేను – బుజ్జాయిలు చూడలేదుకదా …….
మహి : పిల్లలు ….. తల్లిదండ్రుల వివాహం చూడలేరే చెల్లీ …..
చెల్లెమ్మ : అధినిజమే కానీ ఆ అదృష్టం మన బుజ్జాయిలకు కలగబోతోంది .
మహి : అంతా అమ్మవారి అనుగ్రహం అంటూ చెల్లెమ్మతోపాటు సిగ్గుపడింది , నాకిష్టమే కానీ ఎలా చెల్లీ ……
చెల్లెమ్మ : జరిపించడానికి నేనున్నానుకదా రండి అంటూ మంత్రిగారి దగ్గరకు తీసుకెళ్లింది , మంత్రిగారూ ….. వెంటనే ఎంతమంది ఉంటే అంతమందీ పురోహితులను వెంటనే పిలిపించండి అంటూ ఆజ్ఞవేసింది .
మంత్రి : అలాగే యువరాణీ …….
చెల్లెమ్మ : ఈవిషయం ముందుగా బుజ్జాయిలకు తెలియజెయ్యాలి వాళ్ళూ సహాయం చేస్తారు , చెప్పగానే వాళ్ళ సంతోషం …….
మహి ఇంకా సిగ్గుపడుతూనే ఉంది .
అలా వెళ్లిన మంత్రి వెంటనే వెనక్కువచ్చాడు – యువరాణీ …… స్వయంగా పురోహితులే రాజ్యప్రజలందరితో కలిసి విచ్చేస్తున్నారు .
యువరాణి – మహారాణి : ఆశ్చర్యం వారే వస్తున్నారా ….. ? అంటూ ప్రాంగణానికి చేరుకున్నారు , రాజ పురోహితులకు స్వాగతం అంటూ సాధరంగా ఆహ్వానించి ఆశీర్వాదం తీసుకున్నారు .
పురోహితులు : మహారాణీ – యువరాణులకు ఆశీర్వాదాలు .
యువరాణి : మిమ్మల్నే ఆహ్వానించాలనుకున్నాము అంతలోపు మీరే దర్శనమిచ్చారు .
పురోహితులు : తప్పక రావాల్సిన పరిస్థితి యువరాణీ ……. , రాజ్యంలో వర్షాలు పడాలంటే వెంటనే శుభకార్యం జరగాలి .
యువరాణీ – మహారాణీ – చెలికత్తెలు ……. ఒకరివైపు మరొకరు చూసుకున్నారు .
పురోహితులు : ఆ శుభకార్యం ఎవరికి జరిపించాలో విన్నవించుకోవడానికే విచ్చేసాము – కానీ ఎలాచెప్పాలో అర్థం కావడంలేదు అంటూ సంశయిస్తున్నారు – ఆ శుభకార్యం జరిగితే మన రాజ్యంలో వర్షాలు విరివిగా కురవడమే కాదు రాజ్యం సకల సంతోషాలతో విరాజిల్లుతుంది .
యువరాణి : అయితే ఎవరికో వెంటనే తెలియజేయ్యండి పురోహితులారా జరిపించేద్దాము .
పురోహితులు : అదీ అదీ అదీ …….
యువరాణి : రాజ్యం సంతోషం కోసం అయితే ఎందుకు సంశయిస్తున్నారు , సంకోచించకుండా చెప్పండి .
పురోహితులు : అందరూ ఒకరినొకరు చూసుకున్నారు , మ అక్షరంతో మొదలయ్యే రాశులు గల వారికి వివాహం జరిపితే వెంటనే వర్షాలు కురుస్తాయి , మన రాజ్యానికి దేవుళ్ళు అనుగ్రహం లభిస్తుంది .
యువరాణి : ఎవరికో అర్థమైనట్లు సిగ్గుపడుతున్న మహారాణీ బుగ్గపై ముద్దుపెట్టి , వారెవరో మీరే తెలపండి పురోహితులారా అంటూ అడిగింది .
పురోహితులు : అదీ అదీ ….. మన రాజ్య ప్రజలకోసం అహర్నిశలూ ఆలోచించే వీరాధివీరుడైన మహారాజు మహేశ్వరుడికి మరియు మరియు …….
యువరాణీ : మరియు …..
పురోహితులు : మహారాజుతో ….. మా రాజ్యప్రజల సంతోషాలకోసం ఆరాటపడే దేవతైన మహా ….. మహారాణీ గారి వివాహం జరిపించాలి , తప్పుగా మాట్లాడితే మమ్మల్ని మన్నించండి కానీ శాస్త్రాల ప్రకారం ఇదొక్కటే మార్గం ……
యువరాణీ సంతోషాలకు అవధులులేనట్లు వదినమ్మా అంటూ కౌగిలించుకుని ముద్దులుకురిపిస్తోంది .
చుట్టూ చెలికత్తెలు సంతోషాలను వ్యక్తం చేస్తున్నారు .
పురోహితులు : మహారాణీవారికి ఇష్టమే అన్నమాట అంటూ ఊపిరిపీల్చుకున్నారు – రాజ్యప్రజలు ఆనందిస్తున్నారు .
చెలికత్తెలు : ఇష్టం అంటారు ఏంటి పురోహితులారా ప్రాణం ప్రాణం కంటే ఎక్కువ అంటూ మా ప్రేమ మరియు జరిగిన వివాహం మరియు వివాహం గురించి వివరించారు .
రాజ్యప్రజాలందరూ ఉద్వేగాలకు లోనైనట్లు కన్నీళ్లను ఆనందబాస్పాలుగా మార్చుకుని ఆనందిస్తున్నారు .
పురోహితులు : మహారాణీ వివాహంతోపాటు రాజ్యపు రక్తం అయిన యువరాణీ వివాహం కూడా జరిగితే మరింత లాభం …….
మహారాణి : ఖచ్చితంగా ఖచ్చితంగా పురోహితులారా …… శుభకారమైన విషయం చెప్పారు అంటూ చెల్లెమ్మ నుదుటిపై ప్రాణమైన ముద్దుపెట్టింది .
యువరాణి : ఆనందంతో మహారాణీ గుండెల్లో ఒదిగిపోయింది , ఇందులో ఒక మతలబు ఉంది ప్రజలారా …… , వివాహం అయ్యేంతవరకూ వదినమ్మ ఎవరనేది తెలపనని ఒకరికి ( దుర్గమ్మకు ) మాటిచ్చారు .
మరి మహారాజుగారు వివాహానికి ఒప్పుకుంటారా అంటూ ఒక అమ్మ అడిగారు .
యువరాణి : ప్రాణం పోయినా ఒప్పుకోరు అన్నయ్య ……. , అన్నయ్య హృదయంలో దేవకన్యకు తప్ప మరొకరికి స్థానం లేదు .
మరెలా …….
యువరాణి : మీరు అనుకుంటే సాధ్యం …… అర్థమయ్యిందా ? .
ప్రజలు : అర్థమైంది అర్థమైంది , మేమంటే మేము సంతోషంగా ఉండాలన్నదే మహారాజుగారి ఏకైక కోరిక , ఆ ఒక్కటి చాలు కథను కంచికి చేరుస్తాము .
యువరాణి : అయితే వెంటనే ఆనకట్ట దగ్గరికి బయలుదేరదాము .
ప్రజలు : ఒక్కమాట ఒక్కమాట మహారాణీ గారు కూడా ఇష్టం లేనట్లుగానే వ్యవహరించండి ఇక మేము చూసుకుంటాము .
యువరాణి : కలలోనైనా కాదనలేరు కానీ ఎలాగోలా ఒప్పిస్తాను మరి , వదినమ్మా ………
అంతే పిల్లా పెద్దా రాజ్య ప్రజలందరూ పురోహితులతోపాటు ఆనకట్ట దగ్గర ఆలోచిస్తున్న మాదగ్గరికి చేరుకున్నారు , మహారాణీ – యువరాణి …… పిల్లల మధ్యన దాక్కుని ఆనందిస్తున్నారు .
రాజ్యప్రజలందరూ రావడం చూసి , ప్రజలారా ఏమైంది అందరూ ఇలావచ్చారు అని అడిగాను .
ప్రజలు : ప్రభూ ….. రాజ్యంలో ఆహారనిల్వలు అయిపోవచ్చాయి , త్వరలో వర్షాలు పడకపోతే కరువు సంభవిస్తుంది .
లేదు లేదు లేదు అలా జరగకూడదు అంటూ కన్నీళ్లను తుడుచుకున్నాను , నా శాయశక్తులా ప్రయత్నిస్తున్నాను మీ సంతోషం కోసం రాజుగా ఎంతదూరం అయినా వెళతాను , నా ప్రాణాలను కూడా …….
ప్రజలు : మా మహారాజు గురించి మాకు తెలుసు – మేమంటే ఎంత ఇష్టమో కూడా తెలుసు , వెంటనే వర్షాలు పడే మార్గాన్ని పురోహితులు విన్నవించారు .
అవునా అవునా రాజా పురోహితుల్లారా …… అదేంటో తెలియజేయ్యండి వెంటనే వెంటనే అమలుపరుస్తాను .
పురోహితులు : మీచేతుల్లోనే ఉంది మహారాజా ……
నాచేతుల్లోనా అంటూ నావైపుకు చూస్తున్న బుజ్జాయిల వైపుకు చూసాను .
ప్రజలు : అవును మీచేతుల్లోనే ఉంది మహారాజా ……
పురోహితులు : అవును మహారాజా …… , ఎన్నడూ సంభవించని ఈ ఉపద్రవానికి ఫలితం మహామహులైనవారికే అంతుచిక్కకపోవడంతో మన గ్రంథాలయంలోని పురాతన శాస్త్రాలను మరియు తాళపత్ర గ్రంథాలను తిరగేస్తే ఉపాయం లభించింది – ఆకాలంలోనే జ్ఞానులైన మన పూర్వీకులు …… మూర్ఖులైన రాజులవలన ఇలాంటి విపత్కర పరిస్థితులు సంభవిస్తాయని దానిని అంతమొందించడానికి పరమేశ్వర ప్రసాదమైన వీరాధివీరుడు మహేశ్వరుడు వస్తాడని రాసి ఉంది ఇదిగో ఇలా దేవుడిలా వచ్చి రాజ్య ప్రజలందరినీ కాపాడారు , రాజ్యం వర్షాలు – పచ్చని పంటలతో కళకళలాడాలంటే ఆ పరమేశ్వరుడి ప్రసాదమైన మా మహేశ్వరుడి వివాహం పార్వతీ దేవి ప్రసాదమైన మా మహారాణీ వారితో అంగరంగవైభవంతో జరిపించాలి .
అంతే అలా కదలకుండా ఉండిపోయాను …….
బుజ్జాయిలయితే పట్టరాని సంతోషంతో బుగ్గలపై ముద్దులవర్షం కురిపించి సంతోషపు కేకలువేస్తూ కిందకుదిగి అమ్మవారి చెంతకువెళ్లి మొక్కుకుంటున్నారు – బుజ్జాయిల ఆనందాలను చూసి బుజ్జిసింహాలూ ప్రార్థిస్తున్నాయి , నాన్నా నాన్నా ……. ఇన్నాళ్లకు మాకోరిక తీరబోతోంది అంటూ పూలవర్షం కురిపించారు .
తేరుకుని లేదు లేదు అలా జరగడానికి వీలులేదు , ఈ హృదయంలో ఒక్కరికే స్థానం నన్ను మన్నించండి ప్రజలారా …… , పురోహితులారా వేరే మార్గమేమైనా ఉంటుంది చూడండి , ఇలా ఎక్కడైనా రాసి ఉంటుందా …… ? .
పురోహితులు : కావాలంటే మీరే స్వయంగా చూడండి ప్రభూ అంటూ శిథిలావస్థకు చేరిన తాళపత్ర గ్రంథాన్ని అందించారు .
చూస్తే ఇప్పటివరకూ జరిగినది అచ్చుగుద్దినట్లు అప్పట్లోనే రాశారు – అంతే చేతిలో గ్రంథంతో బండరాయిపై కూలబడ్డాను .
బుజ్జాయిలు ముద్దులుకురిపిస్తూ సంతోషంతో నాట్యం చేస్తున్నారు .
పురోహితులు : మహారాజా …… వారం దినములలో దివ్యమైన దైవ ముహూర్తం , ఆ ముహూర్తాన మహారాజు – మహారాణీ వివాహంతోపాటు యువరాణీ వివాహం కూడా జరిపించవచ్చు .
చెల్లెమ్మ వివాహం …… చాలా సంతోషం కానీ నేనొప్పుకోలేను అంతకన్నా నా ప్రాణాలు ఇవ్వమనండి సంతోషంగా ఇస్తాను – ఈ జనం నా మహికోసం …….
తమరు ఒప్పుకుంటే మాత్రం సరిపోతుందా నేను ఒప్పుకోవాలికదా ……. అంటూ మహారాణీగారు వచ్చారు .
యువరాణి : వదినమ్మా …….
మన్నించండి మన్నించండి మహారాణీగారూ …… అదే నేనూ సెలవిస్తున్నాను , అలా ఎన్నటికీ జరగకూడదు , పురోహితులారా ….. నాదొక సందేహం అయినా ఆ జగన్మాత పరమేశ్వరి అంశ మహి కదా కానీ మన మహారాణీ గారి పేరు హిమ ……
పురోహితులు : గ్రంథాలు చదివిన మీలాంటి వీరాధివీరులకు తెలియనిది ఏముంటుంది హిమ అంటే గంగ , గంగమ్మ కూడా పరమేశ్వరీ అంశమే మహారాజా ……..
తప్పించుకునే మార్గమే లేదన్నమాట …….
పురోహితులు – ప్రజలు : మహారాణీ గారికి మేమంటే ఇష్టం మాకోసం ఎలాగైనా ఒప్పుకుంటారు – మీరు ఒప్పుకోకపోతే అతిత్వరలో కరువుకాటకాలతో అల్లాడుతాము , ఎలాగో అప్పుడు ఆహారం ఉండదు కాబట్టి మీరు ఒప్పుకునేంతవరకూ పిల్లలు – వృద్ధులు తప్ప ప్రతి ఒక్కరమూ మీరు ప్రార్థించే ఈ అమ్మవారి ముందు ఉపవాసదీక్షలో ఉండిపోతాము .
బుజ్జాయిలు : మేముకూడా అంటూ నాబుగ్గలపై ముద్దులుపెట్టి వెళ్లి అమ్మవారి ముందు కూర్చున్నారు – తోడుగా బుజ్జిసింహాలూ ……
పిల్లలు : అయితే మేముకూడా అంటూ వెళ్లి బుజ్జాయిల చుట్టూ కూర్చున్నారు .
ప్రజలు : మాగురించి ఎలాగో పట్టించుకోరు పిల్లల గురించి అయినా ఆలోచించండి , మాటంటే మాటే పచ్చి మంచినీళ్లు కూడా ముట్టుకోము అంటూ అందరూ వెళ్లి కూర్చున్నారు .
అంతలో గుర్రంపై యువరాజు వచ్చి చెల్లెమ్మను అమాంతం పైకెత్తి ఆనందాన్ని పంచుకున్నాడు .
చెల్లెమ్మ : అంతలా ఆనందపడకు అన్నయ్య పెళ్లికి ఒప్పుకోవడంలేదు మన వివాహమూ జరగదు .
యువరాజు : ఒప్పుకోలేదా ….. ? , మహారాజా ….. కాదు కాదు బావగారూ సంతోషం కొద్దిసేపైనా లేకుండా చేశారు , మీరు ఒప్పుకునేంతవరకూ నేనుకూడా ఉపవాసమే అంటూ వెళ్లి చెల్లెమ్మ ప్రక్కన కూర్చున్నారు .
బుజ్జాయిలు : అమ్మా అమ్మా ఒప్పుకోవే …….
మహారాణి : సరే…… , మీకోసం – చెల్లికోసం – మన రాజ్యం కోసం ఒప్పుకుంటున్నాను .
సగం సంబరాలు నెలకొన్నాయి .
మహారాణీ గారూ ….. ఎంత పథకం పన్నారు , కావాలనే కాదని అందరి బలవంతంతో ఒప్పుకున్నట్లు నాటకం ……. , నేనైతే ఒప్పుకోనే ఒప్పుకోను .
మహారాణీ : నా రాజ్యపు ప్రజలకోసం నేనుకూడా ఉపవాసదీక్ష చేస్తాను అంటూ వెళ్లి అందరి మధ్యలో కూర్చున్నారు .
యువరాజు : బావగారూ …… మీరు ఒప్పుకోకుంటే ఈ రాజ్యంతోనే ఆగదు , ఒక్క వర్తమానం పంపాను అంటే మా రాజ్యంలోని ప్రజలతోపాటు మన సామంతారాజ్యంలోని ప్రజలూ వచ్చేస్తారు .
ఈ ఒక్కటీ తప్ప ఏమైనా చేస్తాను , మీరంతా నాకు మద్దతు ఇవ్వకపోయినా నా మిత్రులు ……..
అంతే మంజరి – కృష్ణ – సింహం మిత్రుడు …… ఒక్కొక్కరుగా వెళ్లి మహారాణీ గారి ప్రక్కకు చేరుకున్నాయి .
మహారాణీ – యువారాణీ – బుజ్జాయిలతోపాటు అందరి నవ్వులు ……
మీరుకూడానా …… మిత్రులారా , అమ్మా దుర్గమ్మా ….. వీరికెలా తెలియజెయ్యగలను , ఒకవైపు ప్రాణం కంటే ఎక్కువైన నా దేవకన్య మరొకవైపు రాజ్యపు సంతోషం …… , నేను వివాహం చేసుకోలేను నేనుకూడా ఉపవాసం అంటూ మరొకవైపుకు తిరిగి కూర్చున్నాను .
కాసేపటికే సూర్యుడు తన ప్రతాపం చూయించడం మొదలెట్టాడు , తిరిగిచూస్తే కొద్దిమంది పిల్లలు ఎండలో ఉన్నారు , బుజ్జితల్లీ …… పిల్లలందరూ చెట్టు చాటున కూర్చోండి .
బుజ్జాయిలు : అలాగే నాన్నగారూ అంటూ నీడన కూర్చున్న పిల్లలతోపాటు లేచి ఎండలో కూర్చున్నారు .
బుజ్జాయిలూ …….
బుజ్జాయిలు : అమ్మా నాన్న కలిసేంతవరకూ ఇంతే ……
మరికొద్దిసేపటి తరువాత బుజ్జాయిలూ ….. మీ ముద్దులులేకుండా ఉండలేకపోతున్నాను .
బుజ్జాయిలు పరుగునవచ్చి , అమ్మకు ముద్దులుపెడితేనే మేము ముద్దులుపెట్టేది అంటూనే ముద్దులుపెట్టి పరుగునవెళ్లి ఎండలో కూర్చున్నారు .
ప్రజలంతా నవ్వుకున్నారు .
ప్రజలారా …… ఎండ ఎక్కువగా ఉంది ఉపవాసం విరమించి పిల్లలకు దాహం తీర్చి మీరుకూడా ……
ప్రజలు : మాగురించి ఆలోచించేవారు అయితే వివాహానికి ఒప్పుకోండి , మా కష్ట సమయాలలో మాకు ఎంతో సహాయం చేసిన మా దేవతలాంటి మహారాణీ గారిని వివాహం చేసుకోవాలి అంటే అదృష్టం ఉండాలి .
ఆ అర్హత నాకు లేదు ప్రజలారా …….
ప్రజలు : దేవతను వివాహం చేసుకునే అర్హత దేవుడికి మాత్రమే , అయినా మీతో మాటలు అనవసరం మిట్ట మధ్యాహ్నం ఎండకే నాలుకలు తడారిపోతున్నాయి , కొద్దిసేపట్లో పిల్లలు – వృద్ధులు – ఆడవారు స్పృహకోల్పోతారు ఆ పాపం ఎవరిదో మీరే ఆలోచించుకోండి .
అలా జరగకూడదు , ప్రజలారా …… నాకు ఇప్పటికే మీ మహారాణీ గారి మనస్సులాంటి దేవకన్యతో వివాహం జరిగింది .
ప్రజలు : వీరాధివీరులైన మహారాజులూ బహు వివాహాలుకూడా చేసుకోవచ్చు .
కానీ నేను ఏక …….
ప్రజలు : మాకు వినపడటం లేదు , మాట్లాడితే దాహం ఎక్కువ వేస్తోంది .
అయినా వివాహం చేసుకున్నాక వర్షం పడకపోతే …….
పురోహితులు : మహారాణీ గారూ అంటూ గుసగుసలాడారు , మహారాజా మహారాజా …… ఇప్పుడు సరైన మాట అన్నారు , మీరు తొలిముడి వేసినప్పుడు మేఘావృతం కాకపోయినా రెండవ ముడికి ఉరుములు మెరుపులు రాకపోయినా మూడవ ముడి పడేసరికి చినుకులు పడకపోయినా వెంటనే వెంటనే శాస్త్రం ప్రకారం వివాహాన్ని రద్దుచేస్తాము .
మహారాణి : నాకు సమ్మతమే …….
మహారాణీగారికి ఏదైనా సమ్మతమే …….
నవ్వులు విరిసాయి .
నా గుండెలపై చేతినివేసుకుని ఊహూ ఊహూ ….. ఒప్పుకోలేను .
అయితే మేమూ ఉపక్రమించము ……..
మధ్యాహ్నం అయ్యింది – సాయంత్రం అయ్యింది – చీకటిపడింది .
పిల్లలు …… ఆకలి ఆకలి అంటూ గోలచేస్తున్నారు .
వెంటనే స్వయంగా నేనే అరణ్యంలోకివెళ్లి బోలెడన్ని పళ్ళు తీసుకొచ్చి పిల్లల ముందు ఉంచాను .
పిల్లలు : ఊహూ ….. ఆకలి అన్నాముకానీ తింటాము అనలేదుకదా మహారాజా ……. , ఎన్నిరోజులైనా ఇలానే ఉంటాము , పొట్టలో నొప్పివేస్తోంది అయినా పర్లేదు ……..
పిల్లలూ దయచేసి ఆహారం తీసుకోండి , రేపు ఆలోచిద్దాము , ప్రజలారా పిల్లలకు తినిపించండి .
ప్రజలు : వాళ్ళు మా మాట వినే స్థితిలో లేరు మహారాజా …… , అందరి భవిష్యత్తు మీ నిర్ణయంపైననే ఆధారపడి ఉంది , కరువు సంభవిస్తే ఎలాగో ఈ పరిస్థితి వస్తుంది అదేదో ఇప్పటినుండే అలవాటు చేసుకుంటాము , పిల్లలు ఎలాగో తట్టుకుంటారు పాపం చాలామంది వృద్ధులు ఉన్నారు ఉదయానికల్లా ఉంటారో …….
ప్రజలారా అలా అనకండి , నావైపు కూడా ఒకసారి ఆలోచించండి .
పురోహితులు : ఆలోచించే సమయం లేదు మహారాజా …… , మూడురోజులలోగల ముహూర్తం దేవతలకిష్టమైన ముహూర్తం ……
ఉదయమేకదా వారం దినాలు అన్నారు .
పురోహితులు : వారం దినములలో అన్నాము వారం రోజుల తరువాత కాదు మహారాజా …….
తెల్లవారుతుండగా బామ్మా బామ్మా …… ఏమైంది , వైద్యులు ఎక్కడ ……
పరుగునవెళ్లాను .
స్పృహకోల్పోయిన బామ్మను పరీక్షించి వెంటనే ఆహారం తీసుకోవాలి లేకపోతే ప్రాణాపాయం …….
వెనువెంటనే ఒక్కరొక్కరుగా వృద్ధులు స్పృహకోల్పోతున్నారు .
కన్నీళ్లను తుడుచుకుని అమ్మవారి చెంతకు వెళ్లి , అమ్మా ….. మీరే సరైన మార్గంవైపుకు తీసుకెళతారని భావిస్తున్నాను , రాజ్య ప్రజల శ్రేయస్సు కంటే రాజుకు మరొకటి ముఖ్యం కాదు , మహీ …… నన్ను మన్నించు – నీ నమ్మకాన్ని వమ్ముచేస్తున్నాను మన్నించరాని నిర్ణయం తీసుకోబోతున్నాను , ప్రజలారా ఒప్పుకుంటాను కానీ ఒక్కటి వివాహం తరువాత …….
వర్షం పడకపోతే మీ ఇష్టం మహారాజా అంటూ ప్రజలందరూ లేచి మహారాజా మహారాజా …… అంటూ అమాంతం పైకెత్తి సంబరాలు చేసుకుంటున్నారు .
నాన్నా నాన్నా …….
కిందకుదిగి బుజ్జాయిలను ఎత్తుకుని అఅహ్హ్ …… ప్రాణం లేచొచ్చింది మీరులేకుండా ఒక్క క్షణం కూడా ఉండలేను అంటూ ముద్దులుకరిపించాను , మహారాణీ – యువరాణి సంతోషాలను కోపంతో చూస్తున్నాను .
బుజ్జాయిలు : ప్రజలారా …… అమ్మవైపు కోపంతో చూస్తున్నాను నాన్నకు ఇష్టంలేదు మళ్లీ కూర్చోండి కూర్చోండి .
లేదు లేదు ఇష్టమే ఇష్టమే ఇదిగో ఇదిగో సంతోషం ……
మా నాన్న బంగారం అంటూ ముద్దులుపెట్టారు బుజ్జాయిలు .
ఇక చూడండి దేవుడు – దేవత వివాహానికి రెండు రోజులే ఉన్నా ఎలాంటి ఏర్పాట్లు చేస్తామో …… భూలోకమంత అలంకరణ ఆకాశమంత పందిరి …….
ఆగండాగండి ముందైతే పిల్లలు – వృద్ధులకు తినిపించి మీరూ తినండి , సైనికులారా …… పళ్ళు అందించండి అంటూ బుజ్జాయిలకు తినిపించి తిన్నాను .
బుజ్జాయిలు : అమ్మకు కూడా తినిపించండి నాన్నగారూ ……
పురోహితులు : అవునవును తినిపించండి అదే నిశ్చితార్థానికి సంకేతం అంటూ మహారాణీ గారిని నాముందుకు ప్రవేశపెట్టారు .
తప్పదా ……
బుజ్జాయిలు : తప్పదు నాన్నగారూ …… , అత్తయ్యా ….. మీరుకూడా మామయ్యకు తినిపించండి .
చెల్లెమ్మ : ఆ తినిపించేదేదో ముసుగుతీసి తినిపించండి అన్నయ్యా – మీ దేవత సౌందర్యం చూసి ……
అవసరంలేదు వర్షం పడకపోతే ఎలాగో ఇలానే ఉండాలి , నా దేవకన్యను తప్ప మరొకరిని చూడను .
మహారాణీ : వర్షం పడుతుంది మహారాజా ….. ఆ ఆ ……
పండు తినిపించాను .
నిశ్చితార్థం అయినట్లు మాపై పూలవర్షం కురిపించారు .
మహారాజా – మహారాణీ …… అంటూ పిల్లలందరూ సంతోషంతో హత్తుకున్నారు .
ప్రజాలారా ఒప్పుకున్నానుకదా ఇక ఇంటికి వెళ్ళండి .
ఇంటికి వెళ్లాడమా …… , రెండురోజుల్లో వివాహ పండుగ , వివాహ ఏర్పాట్లకే సమయం సరిపోదు అంటూ రాజభవన ఉద్యానవనం కు వెళ్లి పనులు మొదలుపెట్టారు ఉత్సాహంగా ……
బుజ్జాయిలు : అత్తయ్యా ….. వెంటనే పిన్నమ్మలను పిలిపించండి , సింహం మిత్రమా …… అడవిలోని జంతువులన్నింటికీ ఈ సంతోషమైన విషయాన్ని తెలియజేయ్యండి , రెండురోజుల్లో మన రాజ్యం అంతా నిండుగా నీటితో పచ్చని పంటలతో కళకళలాడబోతోంది .
సరిగ్గా చెప్పారు బుజ్జాయిలూ అంటూ ముద్దులు కురిపించిహత్తుకుంది చెల్లెమ్మ , ఇప్పుడే వదినలకు ఈ సంతోషమైన కబురును పంపుతాను , ఆఘమేఘాలమీద వచ్చేస్తారు .
తప్పుచేస్తున్నానో – ఒప్పుచేస్తున్నానో అర్థంకాక బుజ్జాయిలతోపాటు వెళ్లి అమ్మ ముందు మోకరిల్లాను .
( మహి : దేవుడా ….. అంతా లోకకల్యాణం కోసమే కాదు కాదు మన నదీ అమ్మ ఆనందం కోసమే , చిలిపి ఆనందాలు కావాలని కోరిక కోరారు తప్పలేదు , అమ్మా ….. సంతోషమే కదా అంటూ మొక్కుకుంది )