జనం మెచ్చిన రాజు – Part 23

మహారాజు : మహేశ్వరుడా …… చివరిసారిగా అడుగుతున్నాను నువ్వు క్షత్రియుడివా కాదా ? .
కాదు అన్నట్లు తలదించుకున్నాను .
మహారాజు : అంటే ఈ హిడుంభి రాకుమారుడు చెప్పినది నిజమే అన్నమాట అంటూ ముందు హడలిపోయారు ఆ వెంటనే కోపంతో ఊగిపోతున్నారు .

జనం మెచ్చిన రాజు – Part 22

ప్రభూ నన్ను మన్నించండి – రాకుమారి అంటే నాకు ప్రాణం – ప్రాణం కంటే ఎక్కువగా ప్రేమించుకున్నాము – తనకు ఏ లోటూ లేకుండా చూసుకుంటాను .
మహారాజు : ఇక ఆపు , ఇంతవరకూ మహారాజునైన నాతోపాటు రాజ్యంలో అందరినీ మోసం చేసింది చాలు – నువ్వు ఏ పరివారం లేకుండా ఒంటరిగా వచ్చినప్పుడే అర్థం చేసుకోవాల్సింది .
ప్రభూ …… తప్పు మాదే మన్నించండి అంటూ మహామంత్రి – సైన్యాధ్యక్షుడు తలలు దించుకున్నారు .
ప్రభూ …… మోసం చెయ్యాలని కాదు – ప్రేమను గెలిపించుకోవడానికి వేరే మార్గం ఇలా చేసాను .
మహారాజు : ప్రేమకు నేను అడ్డుకాదు కానీ నీ స్థాయిని చూసి ప్రేమించాలి – నాకు పరువే ముఖ్యం – మా తరతరాలుగా క్షత్రియ ధర్మాన్ని పాటిస్తూ వెళుతున్నాము – నా బిడ్డపై అంతులేని ప్రేమ నా బిడ్డ సంతోషం కంటే నాకు రాజ్యం పరువే ముఖ్యం – పెళ్లికోసం వచ్చిన సామంతరాజులకు ఈవిషయం తెలిస్తే మన పరువు మొత్తం పోవడమే కాకుండా మనపై ఉన్న భయం పోయి పన్నులు కూడా కట్టరు – వీటన్నింటి గురించి ఆలోచిస్తే నువ్వు చేసినది అక్షరాలా మోసం ….. భటులారా ఈ మోసగాడిని బంధించి జీవితకాలం కారాగారంలో పడేయ్యండి .

హిడుంభి యువరాజు : మహారాజా …… చంద్ర వంశాన్నీ మరియు మమ్మల్ని మోసం చేసిన ఈ మోసగాడికి ఆ శిక్ష సరిపోదు వెంటనే ఉరిశిక్ష విధించండి – అప్పుడే క్షత్రియుల పరువుప్రతిష్టలు నిలబడతాయి మరియు ఇలాంటివాళ్లకు తమ స్థాయి ఏంటో తెలుస్తుంది .
మహారాజు : అవునవును వెంటనే ఉరిశిక్ష ఏర్పాట్లు చెయ్యండి – ఈ మోసగాడి గురించి ఎవ్వరికీ తెలియకూడదు అంటూ ఆజ్ఞ వేశారు
మోసగాడు అని నిరూపణ అయ్యాక ఇక వివరణ ఇచ్చుకోవడానికి మాటలు లేక మౌనంగా ఉండిపోయాను .
మంజరి తెగ కంగారుపడుతూ నా భుజం పైకి చేరింది . ప్రభూ …… వెంటనే వెళ్లి మహికి చెబుతాను .
వద్దు మంజరీ …… తను తట్టుకోలేదు – ఆ దుర్గమ్మ తల్లి ఎలా అనుగ్రహిస్తే అలా శిరసావహిస్తాను – నేనే ఏదో తప్పుచేసాను అమ్మ కోపాగ్నికి లోనయ్యాను .

మంత్రి గారు : ప్రభూ …… ఉన్నఫలంగా ఉరిశిక్ష విధిస్తే , ఈ విషయం గురించి ప్రజలలో చర్చ జరుగుతుంది – సామంత రాజులకు తెలిసిపోతుంది ,
మహారాజు : చక్కగా చెప్పారు మహామంత్రీ …… , ఈ విషయం ఈ నాలుగు గోడలు దాటి బయటకు వెళ్లకూడదు , ఇక్కడ ఉన్న ఏ ఒక్కరుకూడా పరిస్థితులు చక్కదిద్దేవరకూ రాజ్యమందిరం దాటి వెళ్లిపోకూడదు అంటూ ఆజ్ఞలు వేశారు .
సైన్యాధ్యక్షుడు : చిత్తం ప్రభూ ……
హిడుంభి యువరాజు : మహారాజా …… మీ పరువుప్రతిష్టలకు ఏమాత్రం భంగం కాకూడదు అంటే యువరాణిని నాకిచ్చి వివాహం జరిపించండి – సంతోషంగా చేసుకుంటాను .
ప్రభూ ప్రభూ …….
మహారాజు : సైన్యాధ్యక్షా …… ఈ మోసగాడు నాకళ్ల ముందు ఉండకూడదు లాక్కెళ్లి చెరశాలలో బంధించండి .
సైన్యాధ్యక్షుడు : భటులారా …….
భటులు వచ్చి పట్టుకున్నారు .
హిడుంభి యువరాజు : మహారాజా …… ఈ విషయం గురించి మనిద్దరమే ఒంటరిగా మాట్లాడటం మంచిది – ముందైతే రాకుమారికి ఇలా చెప్పండి అంటూ గుసగుసలాడాడు .
మహారాజు : సరిగ్గా సెలవిచ్చావు రాకుమారా …… , మహామంత్రీ ఇతడు మోసగాడు అని , రాకుమారి మందిరంలోని నగలను తీసుకుని పారిపోయాడని యువరాణికి తమరే స్వయంగా తెలపండి .
మహామంత్రి : చిత్తం ప్రభూ …….

మంజరి : ప్రాణాలుపోయినా మహి నమ్మదు – మహేష్ అంటే అంత నమ్మకం తనకు …….. , ఇప్పుడే వెళ్లి ఈ విషయం గురించి మహికి చెబుతాను .
మహారాజు : భటులారా …… మొదట ఆ చిలుకను బంధించండి – ఈ మందిరం దాటి వెళ్లకూడదు .
మంజరీ ……. మహికి నామాటగా చెప్పు , ప్రాణం ఉంటే ఎలాగైనా తనను చేరుతానని ……..
హిడుంభి యువరాజు : అలా జరగనే జరగదు – నువ్వు జీవితాంతం చీకటి చెరశాలలో లేదా ఉరిశిక్షకు సిధ్ధంగా ఉండు , ఇప్పటికిప్పుడు నీ ప్రాణాలు తియ్యగలను కానీ నీతో తేల్చుకోవాల్సిన లెక్కలు మిగిలే ఉన్నాయి , భటులారా చెరశాలలో బంధించడం కాదు సంకెళ్లతో కట్టి ఉంచండి కొద్దిసేపట్లో వచ్చి కలుస్తాను.

ప్రభూ ప్రభూ …… చిలుక తప్పించుకుని యువరాణీ వారి దగ్గరకు వెళుతోంది .
భటుల వెనుకే మహారాజు కూడా పరుగులుతీశారు .
హిడుంభి యువరాజు : భటులారా ….. వీడిని లాక్కెళ్లండి అనిచెప్పి , క్షత్రియులతో పెట్టుకుంటే ఇలానే జరుగుతుంది ఇక నీ జన్మలో ఆ అందాలరాశిని చూడలేవు …….
నేను – తను కలిసి జీవించడం దైవేచ్చ …… అది జరగకుండా ఎవ్వరూ ఆపలేరు .
హిడుంభి యువరాజు : నేను ఆపుతాను అంటూ కడుపులో ఒక దెబ్బవేసి రాక్షస నవ్వుతో మహారాజా మహారాజా అంటూ వెళ్ళాడు .

( మంజరి : మహీ మహీ …… ఘోరం ఘోరం , మన దేవుడి గురించి మహారాజుకు తెలిసిపోయింది – చెరశాలలో బంధించమని ఆజ్ఞాపించారు .
మహి గుండె కొట్టుకోవడం ఆగిపోయింది – కళ్ళల్లోనుండి కన్నీళ్లు ఆగడం లేదు .
మంజరి : మహీ మహీ ……. , ఎలాగైనా నిన్ను కలుస్తాను అని మాటిచ్చారు మన దేవుడు …….
అప్పటికిగానీ మహి ప్రాణం తిరిగిరాలేదు .
మహారాజు : దేవుడు …… ? , వాడు దేవుడు కాదు మోసగాడు …… , నిన్ను ప్రేమ అనే పేరుతో మోసం చేసి వలలో వేసుకున్నాడు .
మహి : తండ్రి గారూ …… మహేష్ మంచివాడు ప్రాణం కంటే ఎక్కువ ప్రేమించాడు అంటూ గుండెలపైకి చేరింది .
మహారాజు : నువ్వే సర్వస్వం అనుకుని ఏ మహారాజు ఇవ్వని స్వేచ్ఛను ఇచ్చినందుకు ఈ తండ్రినే మోసం చేసావు తల్లీ …… , భటులారా ….. ఆ చిలుకను బంధించండి .
భటులు వెళ్లి మంజరిని పట్టుకుని పంజరం లో బంధించారు .
తండ్రి గారూ …… అంటూ కన్నీళ్ళతో మౌనంగా ఉండిపోయింది .

మహారాణి : ప్రభూ ……. ఆ విషయమే నాకు మరియు మీకు తెలియజెయ్యాలని అనుకునేంతలో ఇలా జరిగిపోయింది .
మహారాజు : ఇప్పుడు కాదు మహారాణీ ….. వివాహానికి ముందు చెప్పి ఉండాలి .
మహారాణి : ప్రభూ …… మనకు మన తల్లి సంతోషం కంటే ఇంకేమి కావాలి చెప్పండి – మీరే అన్నారుకదా అల్లుడుగారిని మించిన వీరుడు ఈ భువిపైననే లేడని ……..
హిడుంభి యువరాజు : ఇక నుండీ ఆ బాధ్యత నాది మహారాణీ వారూ ……
మహారాజు : అవును మహారాణీ …… , వీరుడైతే మాత్రం సరిపోదు ఖచ్చితంగా క్షత్రియుడై ఉండాలి , తల్లీ మహీ …… ఈ తండ్రి అంటే గౌరవం ఉంటే ఈ తండ్రి కోరిక తీరుస్తావా ? – నువ్వు ఈక్షణమే ఈ యువరాజుని వివాహం చేసుకోవాలి ………
మహి : తండ్రి గారూ ……
మహారాణీ : మహారాజా …….
మహి : తండ్రి గారూ …… , అంతకంటే ప్రాణాలు వదిలెయ్యమని ఆజ్ఞాపించండి – సంతోషంగా వదిలేస్తాను అంటూ కన్నీళ్ళతో చెబుతోంది .
మహారాణీ : తల్లీ …… అంటూ గుండెలపైకి తీసుకున్నారు .

మంజరి : మహీ …… నువ్వు ప్రాణాలు వదిలేస్తే అక్కడ మన దేవుడి ప్రాణం నిలుస్తుందా ? .
మహి : లేదు లేదు లేదు అలా జరగడానికి వీలులేదు .
హిడుంభి యువరాజు : మహారాజా …… మీరు అనుమతి ఇస్తే ఒక సలహా …… , నన్ను వివాహం చేసుకుంటేనే ఆ మోసగాడిని కనీసం ప్రాణాలతోనైనా ఉంచుతాను అనిచెప్పండి .
మహారాజు : పరువుప్రతిష్ఠల మాయలోపడినట్లు ఏమాత్రం ఆలోచించకుండా హిడుంభి రాకుమారుడు చెప్పినట్లు చేస్తున్నారు – సైన్యాధ్యక్షా …… ఆ మోసగాడిని వెంటనే ఉరితియ్యడానికి ఏర్పాట్లు చెయ్యండి , తల్లీ …… సమయం లేదు తెల్లారేలోపు హిడుంభి రాకుమారుడు పథకం ప్రకారం అన్నీ జరిగిపోవాలి .
మహి : తండ్రి గారూ …… అంటూ కన్నీటిపర్యంతం అవుతోంది , కాదనలేదు – ఔననలేదు …….
మంజరి అయితే పంజరంలో ఎగురుతూ కన్నీటిని కారుస్తోంది .

మహారాజు : మహామంత్రీ …… ఇక రాకుమారి సమ్మతంతో సంబంధం లేదు , మరలా వివాహం చేసుకుంటేనే ఆ మోసగాడు కనీసం చెరశాలలోనైనా ప్రాణాలతో ఉంటాడు .
మహామంత్రి : ప్రభూ …… మరలా వివాహం అంటే కూడా విషయం ఎలాగోలా తెలిసిపోతుంది .
హిడుంభి యువరాజు : అయితే దీనికి ఒకటే పరిష్కారం మహారాజా ……. , ఇక్కడ మా వివాహం జరిగిపోయిందని తీసుకెళ్లి మా రాజ్యంలో వివాహ ఏర్పాట్లు చేయిస్తాను , మీరు బంధు సమేతంగా వచ్చి తిలకించవచ్చు ……
మహారాజు : చక్కటి పరిష్కారం యువరాజా ……. , ఇక్కడి ప్రజలకు – సామంతరాజులకు ఎలాంటి అనుమానం కలుగదు , ఇద్దరూ ఒక్కటే అనుకుంటారు అంటూ సంతోషిస్తున్నారు .
హిడుంభి యువరాజు : మహారాజా …… ఇలా అనుకున్నది అనుకున్నట్లుగా జరగాలి అంటే రాత్రికిరాత్రి ప్రయాణమై వెళ్లిపోవాలి – మేము వెళ్లి మీకోసం ఘనంగా స్వాగత ఏర్పాట్లు చేయిస్తాము .
మహారాజు : నేను కోరుకునేది కూడా అదే …… , మా రాజ్య పరువుప్రతిష్ఠలు నిలబడాలంటే నిర్ణయాలు త్వరత్వరగా తీర్చుకోవాల్సిందే …… , మహామంత్రీ ఆ ఏర్పాట్లు చెయ్యండి .
మహి : తండ్రి గారూ …….
మహారాజు : నువ్వు చేసిన మోసానికి …… , మన రాజ్యం కోసం నీకు ఇష్టమైన లేకపోయినా నా ఆజ్ఞను పాటించాల్సిందే లేకపోతే మీ అమ్మ – నేను ప్రాణాలతో ఉండము – మహామంత్రీ …… విషాన్ని తెప్పించండి – తల్లీ ….. నీకు తెలుసు మన రాజ్యప్రతిష్ఠ కోసం ఎలాంటి నిర్ణయాలైనా తీసుకుంటానని …….
మహి : తండ్రి గారూ …… అంతమాట అనకండి అంటూ ఏడుస్తూ వెళ్లి దుర్గమ్మ సన్నిధికి చేరింది – అమ్మా …… ఇంత జరుగుతున్నా చూస్తూ ఉంటారా ? , నా దేవుడు లేకుండా నేనుండలేను – నా దేవుడు ఉండాలంటే నాన్నగారి మాటను మన్నించాలి – నీపైనే భారం వేస్తున్నాను అంటూ కన్నీళ్ళతో స్పృహకోల్పోయింది .
మహారాణి : తల్లీ తల్లీ ……. , ప్రభూ …… మరొక్కసారి ఆలోచించండి .
మహారాజు : ఆలోచించే సమయం లేదు మహారాణీ ……. , చంద్ర రాజ్య అధినేతగా నాకు ……. మన బిడ్డ – నీ సంతోషం కంటే రాజ్యప్రతిష్టలే ముఖ్యం , కొద్దిసేపట్లో తన ప్రయాణం …….

హిడుంభి యువరాజు : సంతోషం మహారాజా …… , ప్రయాణానికి ముందు తీర్చుకోవలసినవి తీర్చుకునే వెళతాను – సైన్యాధ్యక్షా …… చెరశాల ఎక్కడ ? ) .